बुधबार, १० असार २०८३
बुधबार, १० असार २०८३
०९ असार २०८३
काठमाडौं- राजा ल्याउँछु भन्दै तिनै राजालाई चिड्याएका, पार्टीलाई नै झन्डै निलको अवस्थामा पुर्याएका र पार्टीबाट नेताहरुलाई निस्किन बाध्य पारेर शासन चलाएका राप्रपा अध्यक्ष राजेन्द्र लिङ्देनविरुद्ध खुुलेयाम रुपमा नेता ज्ञानेन्द्र शाही भिड्न थालेका छन् ।पार्टी भित्रको आन्तरिक कलह विस्फोटको तहमा पुग्दै गर्दा नेता ज्ञानेन्द्र शाहीले अध्यक्ष लिङ्देनलाई बातै पिच्छे ठिस हान्न थालेका छन् ।
चितवनमा जारी रास्वपाको महाधिवेशनमा निम्ता मान्न पुगेका अध्यक्ष लिङ्देनले राप्रपाका मतदाताले बालेन शाहले राजा फर्काउँछन् भनेर रास्वपालाई भोट हालेको दाबी गरेका थिए। तर अध्यक्षको यो दाबीलाई उनकै पार्टीका नेता ज्ञानेन्द्र शाहीले वाइह्यात भन्दै कडा जवाफ फर्काएका छन्। उनले रास्वपाको भोटलाई मेरो भन्दै र्याल नचुहाउन लिङ्देनलाई चेतावनी समेत दिएका छन् ।
सामाजिक सञ्जालमार्फत नेता शाहीले अध्यक्ष लिङ्देन र जनमत पार्टीका अध्यक्ष सीके राउतको तर्कलाई लक्षित गर्दै लेखेका छन, जनता कसैका दास होइनन्। शाहीले फुटबलको उदाहरण दिँदै चुनावको भोट र फुटबलको गोल कसैको निजी सम्पत्ति नहुने र जसले राम्रो खेल्यो गोल उसैको हुने भन्दै रास्वपाको जनमतलाई स्वीकार गर्न नेतृत्वलाई चेतावनी दिएका छन्।
शाहीले स्पष्ट भनेका छन आज चितवनमा केही नेताहरूले मेरो भोट हाम्रो भोट भनेछन्। तर सत्य के हो भने त्यो भोट रास्वपाकै हो। यो चुनावमा जनताले रास्वपालाई मौका दिएका छन्, त्यसैले हामी सबैले स्विकार्नुपर्छ। जनमतभन्दा ठुलो कुरा केही छैन।
यो केवल एउटा फेसबुक स्टाटस मात्र होइन राप्रपाभित्र चुलिँदै गएको शक्ति संघर्षको एउटा कडा पराकम्प हो। केही दिन अघि मात्रै शाहीले अध्यक्ष लिङ्देनले नैतिकताका आधारमा राजीनामा दिएर विशेष महाधिवेशनमा जानुपर्ने माग राखेका थिए। त्यसको राप र ताप सेलाउन नपाउँदै शाहीको यो पछिल्लो टिप्पणीले राप्रपाको संस्थापन पक्षलाई झन दवाब परेको छ ।
पार्टी प्रवक्ता जस्तो जिम्मेवार पदमा रहेका व्यक्तिले सार्वजनिक रूपमै अध्यक्षको दाबीलाई खारेज गरिदिनुले राप्रपाभित्र नेतृत्वप्रति तीव्र असन्तुष्टि रहेको पुष्टि गर्छ। लिङ्देनले आफ्ना मतदाता अर्कैको भ्रममा परेर गएको भन्दै कार्यकर्ताको अपमान गरेको शाहीको बुझाइ देखिन्छ । यसले राप्रपाभित्र लिङ्देनको पकड कमजोर हुँदै गएको र शाहीले आफूलाई वैकल्पिक नेतृत्वको रूपमा अघि सार्न खोजेको संकेत पनि गरेको छ।
५ दिनभित्र होल्डिङ सेन्टर छाडेर आफ्नो व्यवस्था आफैँ गर्न सुकुमबासीलाई निर्देशन
कसैलाई पनि उम्मेदवारीबाट वञ्चित गराइँदैन : रवि लामिछाने
बातै पिच्छे राजेन्द्र लिङ्देनलाई लखेट्दै ज्ञानेन्द्र,रास्वपाको भोटमा र्याल नचुहाउन दिए चेतावनी
पार्किङ स्थलबाटै तेल ट्यांकर गायव बनाएर लुट, निगमको सेटिङमै चोरियो हजारौं लिटर पेट्रोल
सुकुम्बासी नेता विष्णु पौडेलको भेटियो अर्बौको सम्पत्ति, ३० वर्षमा ८ पटक मन्त्री
रास्वपामा महाधिवेशन प्रतिनिधि सङ्ख्या बढ्यो, ४५ सय पुग्ने
आरजुसहित २० कर्मचारीविरुद्ध मुद्दा चलाउदै अख्तियार , यसरी भएको थियो पासपोर्ट ठेक्कामा अर्ब घोटाला
भाग नपाएपछि अमरेशले बहिष्कार गरे महाधिवेशन,मागेका थिए उपसभापति वा महामन्त्री पद
११ महिनामै ३८ अर्बको धानचामल आयात
रास्वपा महाधिवेशन: चार हजार २११ प्रतिनिधि
प्रतिक्रिया