सोमबार, १८ फागुन २०८२
सोमबार, १८ फागुन २०८२
०५ फागुन २०८२
काठमाडौं - बंगलादेशका अन्तरिम सरकारका प्रमुख मोहम्मद युनुसले आफ्नो १८ महिने कार्यकालले देशको सार्वभौमसत्ता, राष्ट्रिय हित र प्रतिष्ठालाई पुनः स्थापित गरेको दाबी गरेका छन् ।
मंगलबार सत्ता हस्तान्तरण गर्नुअघि सोमबार राष्ट्रका नाममा सम्बोधन गर्दै युनुसले अब बंगलादेश कसैको अर्ती र उपदेशमा चल्ने ‘दबिएको’ राष्ट्र नरहेको स्पष्ट पारे । उनले आफ्नो कार्यकालमा बंगलादेशको परराष्ट्र नीतिलाई स्वतन्त्र र मर्यादित बनाउन सफल भएको जिकिर गरे।
सम्बोधनका क्रममा युनुसले बंगलादेशको खुला समुन्द्रलाई ठूलो ‘रणनीतिक सम्पत्ति’ का रूपमा चित्रण गर्दै यसले दक्षिण एसियाली क्षेत्रमा आर्थिक अवसरका ढोकाहरू खोलेको बताए। उनले नेपाल, भुटान र उत्तर(पूर्वी भारतलाई समेट्ने गरी क्षेत्रीय सहयोग र कनेक्टिभिटी विस्तार गर्न सकेमा बंगलादेशको विकासले नयाँ उचाइ लिने उल्लेख गरे । ‘हाम्रो खुला समुन्द्र केवल भौगोलिक सीमा मात्र होइन, यो विश्व अर्थतन्त्रमा प्रवेश गर्ने एउटा महत्त्वपूर्ण ढोका हो,’ उनले भने।
सन् २०२४ अगस्टदेखि सुरु भएको युनुसको अन्तरिम शासन मंगलबार नयाँ सरकारको शपथ ग्रहणसँगै समाप्त हुँदैछ। फेब्रुअरी १२ मा भएको १३औँ संसदीय निर्वाचनमा तारिक रहमानको नेतृत्वमा रहेको बंगलादेश राष्ट्रवादी पार्टी ९बीएनपी० ले २९७ मध्ये २०९ सिट जितेर भारी बहुमत हासिल गरेको छ।
पदबाट बिदा लिँदै युनुसले पार्टी, धर्म र जातभन्दा माथि उठेर एउटा न्यायपूर्ण, मानवीय र लोकतान्त्रिक बंगलादेश निर्माणको अभियानमा जुट्न सबै नागरिकलाई आह्वान समेत गरे।
निर्वाचन आचारसंहिताको पूर्ण पालना नभएको मानव अधिकार आयोगको निष्कर्ष
सर्वाेच्च नेता मारिएपछि इतिहासकै खतरनाक आक्रमण शुरू गर्ने इरानको चेतावनी
खामेनी मारिएपछि शोकमा इरान
सुनको भाउ एकैदिन ५ हजार ६०० रुपैयाँले बढ्यो, तोलाको ३ लाख २० हजार नाघ्यो
पक्राउ परे दुर्गा प्रसाईं
मध्यपूर्वी क्षेत्रमा तनाव हुँदा नेपालका १८ फ्लाइट रद्द, ३ हजार यात्रु प्रभावित
सर्वोच्च नेता खामेनी मारिएपछि इरानमा ४० दिन राजकीय शोक, ७ दिन सार्वजनिक बिदा
यस पटकको होली घरभित्र मनाउन काठमाण्डौ प्रशासनको आग्रह
निर्वाचन ६ दिन बाँकी, निर्वाचन अवधिभर मादक पदार्थ बिक्रीवितरण तथा सेवनमा प्रतिबन्ध
काठमाडौँमा राति ९ बजेपछि रात्रि व्यवसाय सञ्चालनमा रोक
प्रतिक्रिया