शुक्रबार, ११ वैशाख २०८३
शुक्रबार, ११ वैशाख २०८३
१० वैशाख २०८३
काठमाडौं- प्रहरीलाई बिल्लिबाठ बनाएर राष्ट्रपतिलाई हेलिप्याड बनाइ दिन खोज्ने, प्रहरीको ऐतिहासिक जग्गा खोसेर राष्ट्रपतिलाई पोस्ने तत्कालिन प्रधानमन्त्री केपी शर्मा ओलीको निर्णय बालेन शाह नेतृत्वको सरकारले उल्टाइ दिएको छ ।
महाराजगञ्जस्थित राष्ट्रिय प्रहरी प्रशिक्षण प्रतिष्ठानको जग्गा राष्ट्रपतिको कार्यालयमा हस्तान्तरण गर्ने आठ वर्ष अघिको ओलीको निर्णय सरकारले उल्ट्याएको छ । अब उक्त जग्गा पुनः प्रहरी प्रशिक्षण प्रतिष्ठानकै प्रयोगमा रहनेछ। सरकारका प्रवक्ता तथा शिक्षामन्त्री सस्मित पोखरेलले बिहीबार बसेको मन्त्रिपरिषद् बैठकको निर्णय सार्वजनिक गर्दै २०७५ भदौ १ को निर्णय संशोधन गरिएको जानकारी दिए।
तत्कालिन ओली सरकारले एक सय चौध रोपनी तीन आना जग्गा राष्ट्रपतिको कार्यालयको नाममा सार्ने व्यवस्था गरिएको थियो। २०७५ भदौ २१ मा राष्ट्रपतिको कार्यालय परिसर विस्तारका लागि प्रहरी प्रशिक्षण प्रतिष्ठान हटाउने निर्णय गरेको थियो। खासगरी तत्कालिन राष्ट्रपति विद्या भण्डारीका लागि हेलिप्याड बनाउन भनेर ओली सरकारले प्रहरीकै उठिबास लगाउने निर्णय गरेको थियो । गुड्न छाडेर भण्डारीले उड्ने रहर गरेपछि प्रहरीलाई नै लखेटेर प्रतिष्ठानको जग्गा राष्ट्रपति कार्यालयलाई ओलीले उपलब्ध गराएका थिए । जसको चर्को विरोध भएपनि ओलीले आफ्नो निर्णय सच्याएका थिएनन् । तर, ८ वर्षपछि प्रहरीको ऐतिहासिक भूमि प्रहरीकै रहने गरी बालेन सरकारले फिर्ता गरिदिएको छ । इतिहासअनुसार २०१२ सालमा नेपाल प्रहरी गठन हुँदा महाराजगञ्जमै तालिम सञ्चालन गरिएको थियो। अहिलेको निर्णयसँगै सो ऐतिहासिक स्थलमा प्रहरी प्रशिक्षण पुनः निरन्तर रहने भएको छ।
ओली सरकारको २०७५ भदौ २१ को निर्णयपछि प्रहरी एकेडेमीभित्र भइरहेको निर्माण कार्य रोक्न निर्देशन दिएको थियो। त्यसपछि भवन विस्तार, मर्मतसम्भारलगायतका काम अवरुद्ध हुँदै आएका थिए। भूकम्पपछि क्षतिग्रस्त संरचनाको पुनर्निर्माणसमेत लामो समयदेखि अलपत्र रह्यो। प्रहरी अधिकृत र पूर्वमहानिरीक्षकहरूले उक्त निर्णयको विरोध गर्दै आएका थिए। २०७८ साउन २० मा १५ जना पूर्वआईजीपीले तत्कालीन प्रधानमन्त्री शेरबहादुर देउवालाई ज्ञापनपत्र बुझाएर निर्णय खारेज गर्न माग गरेका थिए। तर कसैले सुनवाई गरेको थिएन । बालेन सरकारले भने प्रहरीको मनोवल बढाउने गरी उनीहरुको ऐतिहासिक जग्गा फिर्ता गर्ने निर्णय गरेको छ।
थापाथलीको सुकुमवासी बस्ती नजिक प्रहरीले राख्यो सीसीटीभी
आज लोकतन्त्र दिवस : जनताले जितेको दिन
सुकुमबासी बस्तीको समान धमाधम सार्न थालियो
सुकुमवासी बस्तीमा सरकारविरुद्ध प्रदर्शन, रवि लामिछानेलाई छाती थाप्न आउन आग्रह
प्रहरीको बिल्लिबाठ बनाउने ओलीको निर्णय बालेनले गरिदिए खारेज, राष्ट्रपतिलाई हेलिप्याड बनाउन खोसिएको थियो प्रहरीको जग्गा
बागमतीबाट सुकुम्बासी लखेट्न फेरि कस्सीए बालेन, शनिबार थापाथलीमा डोजर चलाउने
सरकारी कर्मचारीले काम रोके ? सिधै ११११ मा फोन गर्नुहोस्
काठमाडौंको वायु प्रदूषणले ‘निकै अस्वस्थ’को तह पार गर्यो
सम्पत्ति शुद्धीकरण मुद्दा : दीपक भट्ट र सुलभ अग्रवाललाई सात दिन म्याद थप
सुदनलाई सिध्याउन ब्यापारीले बनाएका थिए जालो , पक्राउबाट जोगिन शेखरहरुको यस्तो थियो षड्यन्त्र
प्रतिक्रिया