शनिबार, २३ जेठ २०८३
शनिबार, २३ जेठ २०८३
१४ कात्तिक २०८२
काठमाडौँ - नेपाली कांग्रेसका महामन्त्री गगन थापाले कार्यवाहक सभापति पूर्णबहादुर खड्काले अनुमति नदिए पनि आज केन्द्रीय कार्यसमिति बैठकमा नियमित महाधिवेशनको कार्यतालिका पेस गर्ने भएका छन् ।
दिउँसो एक बजे बस्ने केन्द्रीय कार्यसमिति बैठकमा अनुमति नपाए पनि कार्यतालिका पेस गर्ने जानकारी पार्टीभित्रको इतर समूहका नेता डा। शेखर कोइरालालाई दिएका हुन् ।
डा.कोइरालाले पार्टीभित्र देखिएको गतिरोध अन्त्य गरी नियमित महाधिवेशनको कार्यतालिका ल्याउने विषयमा शुक्रबार बिहान आफू निकट पदाधिकारीहरूसँग आफ्नो सम्पर्क कार्यालय विशालनगरमा छलफल गरेका थिए ।
त्यो छलफलमा थापाले आजको बैठकमा अनुमति नपाए पनि कार्यतालिका पेस गर्ने बताएको बैठकमा सहभागी एक पदाधिकारीले रातोपाटीलाई जानकारी दिए ।
‘हिजो कार्यतालिका पेस गर्न पाउन्नस् भनेपछि बैठकमा सहभागी भइन । आज बैठकमा सहभागी हुन्छु । अनुमति नपाए पनि कार्यतालिका पेस गर्छु,’ कोइरालासँगको छलफलमा थापाले राखेको धारणा उल्लेख गर्दै एक पदाधिकारीले भने ।
थापाले बैठकअघि कार्यवाहक सभापति खड्कासँग कार्यतालिका पेस गर्ने विषयमा सहमति जुटाउन प्रयास भने गर्ने बताएका थिए । महामन्त्री थापाले यसअघि नै मङ्सिर २७ देखि २९ गतेसम्म नियमित महाधिवेशन गर्ने कार्यतालिका सचिवालयमार्फत बाहिर ल्याइसकेका छन् ।
डा।कोइरालाले बिहान छलफलका लागि उपसभापति धनराज गुरुङ, महामन्त्रीद्वय थापा र विश्वप्रकाश शर्मा, सहमहामन्त्रीद्धय जीवन परियार र बद्री पाण्डेलाई बोलाएका थिए ।
कोइरालाले भने पार्टी अप्ठ्यारो परिस्थितिमा पुगेको भन्दै एकताबद्ध भएर नियमित महाधिवेशनको माग गर्नुपर्ने बताएका थिए । त्यसका लागि सबै एकताबद्ध भएर संस्थापनसँग धारणा राख्नुपर्ने डा।कोइरालाको भनाइ थियो ।
‘नियमित महाधिवेशन गर्नुको विकल्प हामीसँग छैन । एकताबद्ध भएर नियमित महाधिवेशन भनेनौँ भने पार्टी धरापमा पर्छ,’ कोइरालाले छलफलमा भनेका थिए, ‘हामी सबै एक भएर संस्थापनलाई दबाब दिनुपर्छ ।’
बागमतीका सांसदलाई ३ र ५ करोडको बजेट सिलिङ
सन् २०२६ को विश्वकप अहिलेसम्मकै सबैभन्दा प्रदूषणकारी प्रतियोगिता बन्न सक्ने चेतावनी
गर्मीले तराई मधेशको जनजीवन प्रभावित
हिसाब मिलान नगर्ने सहकारी सञ्चालकको तीनपुस्ते विवरण सार्वजनिक
बालेन सरकारलाई अमेरिकी घेराबन्दी १ दुई महिनामै ५ पटक भ्रमण
भारतीय प्रधानमन्त्री मोदी र रास्वपा सभापति रवि लामिछानेबीच भेटवार्ता
एमाले नेतृत्व नछोड्ने ओलीको घोषणा, भने– त्यस्तो आशंका मनमा नलिनु होला
प्रधानमन्त्रीको अभिव्यक्तिको विरोधमा तरुण दलको प्रदर्शन
बालेन सीमा बारे बोले लगत्तै सुस्ता पस्यो भारतीय एसएसबी,नेपाली भूमिमा निर्माणाधीन तटबन्धमा अवरोध
हानाहान गर्दै पारित गरेको संसद नियमावलीमा के छ रु सांसदलाई विशेष अधिकार, अब कानुनले नछुने
प्रतिक्रिया