शनिबार, ०२ जेठ २०८३
शनिबार, ०२ जेठ २०८३
०४ भदौ २०८२
काठमाडौं- नेपाल भारत सीमा विवादमा अर्को छिमेकी मुलुक चीनले समेत धोका दिएको छ ।
भारतले अतिक्रमण गरेको नेपाली भूमि लिपुलेकबाट व्यापारिक नाका खोल्नेगरी चीनले नयाँदिल्लीमा एक नयाँ सहमति गरेको छ । सोमबारदेखि दुईदिने भारत भ्रमण गरेका चिनियाँ विदेशमन्त्री वाङ यीले मङ्गलबार यस्तो विवादास्पद सहमतिमा हस्ताक्षर गरेका हुन् ।
सन् १९६२ मा चीनसँगको सीमायुद्धमा लज्जास्पद ढङ्गले पराजित भएपछि भारतले सन् १९६५ ताका नेपाली भूमिमा आफ्नो सेना राखेको थियो । चीनमाथि निगरानी गर्न भन्दै राखिएको सैनिक क्याम्प हटाउन नेपालले बारम्बार आग्रह गर्दा पनि भारतले अटेरी गर्दै आएको छ । पछिल्ला नक्साहरूमा त भारतले नेपाली भूमि कालापानी, लिपुलेक र लिम्पियाधुरा नै आफ्नो भूभाग दाबी गर्ने गरेको छ ।
त्रिदेशीय सीमा नजिक रहेको, तर ६० वर्षदेखि दुई छिमेकीबीच तनाव रहेको भूमिबारे बेइजिङले काठमाडौँसँग कुनै सरोकार नगरी नयाँदिल्लीमा गएर विवादास्पद सम्झौता गरेको हो । परराष्ट्र मन्त्रालय स्रोतका अनुसार; नेपाली भूभाग अतिक्रमण गरेको भारतले पनि पछिल्ल्लो सम्झौताबारे नेपाललाई कुनै जानकारी गराएको छैन ।
भारतले अतिक्रमण गरेको कालापानी, लिपुलेक र लिम्पियाधुरा सहितको क्षेत्र समेटेर नेपालले वि.सं. २०७७ जेठमा नेपालको नयाँ नक्सा जारी गरेको थियो । उक्त नक्सा अहिलेहाल समेत प्रधानमन्त्री रहेका केपी शर्मा ओलीकै जोडबलमा जारी गरिएको थियो ।
नक्सामा भारतले अतिक्रमण गरेको भूभाग चुच्चो देखिने हुनाले त्यसलाई ‘चुच्चे नक्सा’ भनिन्छ । उक्त नक्सा जारी गरेपछि त्यसलाई प्रधानमन्त्री ओली र उनी नेतृत्वको पार्टी नेकपा (एमाले) ले राजनीतिक लाभका लागि निकै प्रचारप्रसार गरेको थियो । तर, सिंहदरबारबाट ओलीले उक्त नक्सा अन्तरराष्ट्रिय समुदायलाई हालसम्म पठाएका छैनन् ।
पछिल्लोपटक प्रधानमन्त्री भएपछि ओलीले भारतबाट भ्रमण निम्तो कुरिरहेका छन् । नौ महिनामा दोस्रोपटक चीन भ्रमण गर्न लागेका ओलीले संघाई कोअपरेशन अर्गानाइजेशन (एससीओ) को सम्मेलनमा भारतीय प्रधानमन्त्री मोदी र चिनियाँ समकक्षीलाई भेट्नेछन् ।
ओली भदौ १४ देखि १८ सम्म चीनमा रहनेछन् । तर, भ्रमणको पूर्वसन्ध्यामै दुई विशाल छिमेकीले अतिक्रमित भूमिबारे आपत्तिजनक सम्झौता गरिदिएपछि ‘चुच्चे नक्सा’ जारी गरेका ओली अप्ठेरोमा परेका छन् ।
नर्स चुस्ने शहीद मेमोरियल अस्पतालविरुद्ध चर्कियो आन्दोलन, मेडिकल डाइरेक्टर र व्यवस्थापन समितिको भागाभाग
प्रहरीको छापापछि अतालियो एनसेल, स्मार्ट सेल खरिदबाट भयो ब्याक, विष्णु पौडेल शैलीमा लिन खोज्दैछ उन्मुक्ति
संविधान संशोधन कार्यदलले बोलाएको बैठक जेनजी युवाहरूले गरे बहिष्कार
एनसेलले यसरी कौडीको भाउमा कब्जा गर्यो ३० अर्बको सरकारी सम्पत्ति, एनसेलका अधिकारी समात्दै सिआइबी !
बारम्बार बालेनसँग किन भिड्दैछन् हर्क ,खास के हो दुष्मनी ? मागे प्रधानमन्त्रीको राजीनामा
१३ आयोजनालाई सरकारले दियो ८ अर्ब २५ करोडकाे सामानमा कर छुट, कसले कति पाए ?
बालेनले प्रधानमन्त्री कार्यालय मातहत नै ताने गुप्तचरी निकाय
अर्जुननरसिंहले भने– प्रधानमन्त्रीले तोकेको मन्त्रीले टेबल गर्दा हुन्छ, ज्ञानेन्द्र र ऐनले भने– आउनैपर्छ
मोबाइल अफ गरेर भाग्दै गरेको अवस्थामा सिन्धुलीबाट समातिएका थिए सीईओ पाण्डे
मन्त्रीको सचिवालय सदस्य नै अपहरकारी ,नांगै बनाएर भिडियो खिचेपछि जाकिए खोरमा
प्रतिक्रिया