शुक्रबार, ०६ कात्तिक २०८३
शुक्रबार, ०६ कात्तिक २०८३
०४ भदौ २०८२
काठमाडौं- गृहमन्त्री रमेश लेखकलाई लक्षित गर्दै विपक्षी दल रास्वपाले संसद्मा झन्डै ३ महिनादेखि मानतस्करलाई कारबाही गर भन्दै हंगामा मच्चाइरह्यो । र, सत्तारुढ दल कांग्रेस एमालेले चाही रास्वपाकै नेतामाथि मानव तस्करीको अभियोगमा कारबाही प्रक्रिया अघि बढायो ।
अख्तियारले त्रिभुवन अन्तर्राष्ट्रिय विमानस्थलको अध्यागमन कार्यालय छापा मारेपछि नेपालमा उच्च तहकै सेटिङमा कसरी अध्यागमनमार्फत मानव तस्करी भइरहेको छ भन्ने कुराको खुलासा भएको थियो ।
जसमा गृहमन्त्रीकै संलग्नताको आंशका गर्दै विपक्षी दल रास्वपाले उनको राजीनामा र छानविनको माग गर्दै संसदमा निरन्तर विरोध गरिरह्यो । तर, रास्वपाको मागलाई सम्पूर्ण रुपमा वेवास्ता गरेका सत्ताधारी दल कांग्रेस एमालेले अहिले रास्वपाबाटै निर्वाचित भएकी उपसभामुख इन्दिरा रानामाथि मानवतस्करकै अभियोगमा कारबाही प्रक्रिया अघि बढाएका छन् । महाअभियोग लगाएर पदच्यूत गर्ने र थप छानविन प्रक्रिया अघि बढाउने कांग्रेस एमालेका नेताहरुको तयारी छ ।
पटक पटक उपसभामुख हटाउने जमर्को गरेका कांग्रेस एमालेले इन्दिरा रानालाई हटाउन गरेको यो तेस्रो प्रयास हो । यसअघि कांग्रेस र एमालेको गठबन्धन सरकार बने लगतै गत वर्षको साउन महिनामा नै उनीमाथि महाअभियोग लगाउन खोजिएको थियो । तर, विपक्षी दलहरुले चर्को विरोध गरेपछि कांग्रेस एमाले ब्याक भएका थिए ।
त्यसलगतै भदौको अन्तिम तिर फेरि महाअभियोग लगाउने तयारी गरेका थिए । तर, महाअभियोग पारित गर्न दुई तिहाइ पुग्ने अवस्था नबनेपछि उनीहरु फेरि ब्याक भएका थिए ।
ठिक एक वर्षपछि फेरि एकाएक सत्ताधारी दल कांग्रेस र एमाले उपसभामुख इन्दिरा रानालाई हटाउन जोडतोडका साथ लागेका छन् । सरकार र मन्त्रीलाई मानव तस्कर भनेर रास्वपाले आरोपित गरिरहेका बेला रास्वपाबाटै उपसभामुख बनेकी इन्दिरा रानालाई मानव तस्करीकै आरोपमा उपसभामुखबाट हटाउने र छानविन अघि बढाउने सरकारको तयारी छ ।
बाँकी भिडियोमा
सरदर मितिभन्दा १२ दिन ढिलो गरी मनसुन नेपालबाट बाहिरियो
सातै प्रदेशका मुख्यमन्त्रीद्वारा विराटनगरबाट ‘कोशी घोषणा–२०८३’ जारी
प्रस्तावित राजदूतहरूको काण्डले प्रधानमन्त्री बालेन तनावमाः साउदीका सुनारको नाम अस्वीकृत ! मलेसियाका खरेलको सुनुवाइ होल्ड
देशका अधिकांश भूभागमा मौसम सफा, कुनै चेतावनी छैन
कलंकी खसीबजारमा यस वर्ष दसैँको चहलपहल कम
मलेसियाका प्रस्तावित राजदूत खरेलको संसदीय सुनुवाइ ‘होल्ड’
१५ औं महाधिवेशमा गगन थापाको एकछत्र राज, देउवा छोड्ने बित्तिकै केहिलाई लाभ, कसैलाई रेडकार्ड, यस्तो बन्यो गगन टिम
स्वास्थ्यमा गोकर्णेश्वरका मेयरको क्रान्तिकारी कदम, अब उपचार गर्न विरामीको घर–घरमा पुग्नेछन् डाक्टर
नेपाल-भारत नेवानीको उडानमा पावर बैंक बोक्न प्रतिबन्ध
दशैंका लागि देशभर ५० हजार बढी प्रहरी परिचालन, ड्रोन र कुकुरबाट पनि निगरानी
प्रतिक्रिया