आइतबार, १० साउन २०८३
आइतबार, १० साउन २०८३
१७ फागुन २०८२
काठमाडौं- अमेरिका र इजरायलले गरेको आक्रमणमा आफ्नो सर्वोच्च नेता अयातोल्लाह अली खामेनी मारिएपछि इरान यतिबेला शोकमा छ।
उनको निधनमा इरान सरकारले ४० दिनको शोक र ७ दिन सार्वजनिक बिदाको घोषणा गरेको छ।
यसैबिच खामेनीको मृत्युपछि त्यहाँका नागरिक सडकमा भेला भएका र रोइरहेका तस्बिर सार्वजनिक भएका छन्।
उनीहरूले सरकारलाई बदला लिन माग गर्दै नारा लगाइरहेका छन्।
वासिङ्टनस्थित इरानी मानव अधिकार समूह ह्युमन राइट्स एक्टिभिस्ट्स न्युज एजेन्सीले अमेरिका र इजरायलले इरानमा गरेको आक्रमणमा कम्तीमा १३३ जना मारिएको बताएको छ।
हमलामा २०० जना घाइते पनि भएको एजेन्सीले उल्लेख गरेको छ।
यो जानकारी प्रारम्भिक रिपोर्टमा आधारित रहेको उल्लेख गर्दै एक्टिभिस्ट्स न्युज एजेन्सीले इरानका १८ प्रान्तमा कम्तीमा ५८ वटा आक्रमण भएको जानकारी दिएको छ। जसमध्ये सबैभन्दा धेरै हमला राजधानी तेहरानमा भएको छ।
यसैबिच इरानको इस्लामिक रिभोलुसनरी गार्ड कोर्प्सले अमेरिकी अड्डा र इजरायलविरुद्ध ‘इतिहासकै खतरानक आक्रमण’ गर्ने चेतावनी दिएको छ।
आक्रमणमा आक्रमणमा इरानका सर्वोच्च नेता अयातोल्लाह अली खामेनी तथा उनका छोरी, ज्वाइँ, नातिनी र बुहारी पनि मारिएको इरानका सञ्चारमाध्यम तस्निम र फार्सले पुष्टि गरेका छन्।
सर्वोच्च नेता खामेनी मारिएपछि इरानले ४० दिनको राजकीय शोक र ७ दिनको सार्वजनिक बिदा घोषणा गरेको छ।
इरानी इस्लामिक रिभोलुसनरी गार्ड कोर्प्स (आईआरजीसी) ले खामेनीको मृत्युमा शोक व्यक्त गरेको छ।
इरानी समाचार एजेन्सी फार्सका अनुसार, आईआरजीसीले भनेको छ, ‘हामीले एक महान् नेता गुमाएका छौँ र सिंगो देश शोकमा छ।’
चीन र दक्षिण एसियाली क्षेत्रको ज्ञान विमर्श, विकासको आधार ज्ञान र खोज भएको निश्र्कष
बाल मन्दिर प्रकरणमा ३ जना पक्राउ
सय दिन बितेसँगै थप आक्रामक बन्दै बालेन, यी ५ मन्त्री र सचिवालय सदस्यहरु नै फेर्ने
मेलम्ची आयोजनाको मुहानमा बाढी, पानी आपूर्ति बन्द
अन्तर प्रदेश सार्वजनिक सवारीसाधनको भाडा दुई प्रतिशतले घट्यो
विमानस्थलका चार हजार पूर्वकर्मचारीसँग प्रतिबन्धित क्षेत्रको प्रवेश पास
इन्धनको मूल्य घट्दा पेट्रोलपम्पहरुमा लाग्यो सटर
गर्धन कालो हुनुको कारण के हो ?
बालेनसहित को को हुँदैछन् रास्वपा पदाधिकारीमा मनोनित
कांग्रेस संस्थापन इतरपक्षको सम्पर्क कार्यालय सञ्चालनमा
प्रतिक्रिया