सोमबार, २५ फागुन २०८२
सोमबार, २५ फागुन २०८२
१९ फागुन २०८२
काठमाडौं - मध्यपूर्वमा द्वन्द्व चर्किएसँगै इरानले तेल र ग्यास मार्ग होर्मुजको जलडमरूम अर्थात् होर्मुज घाँटी हुँदै जाने जहाजमा आक्रमण गर्ने चेतावनी दिएको छ । इरानका एक अधिकारीले जलडमरूम हुँदै जाने कुनै पनि जहाजलाई ‘आगो लगाउने’ चेतावनी दिएका बीबीसीले जनाएको छ ।
इरानको रिभोलुसनरी गार्ड कर्प्रस ९आईआरजीसी० का कमाण्डरले यो जलमार्ग बन्द गरिएको र त्यहाँबाट पार हुन खोज्ने कुनै पनि जहाजलाई जलाउने चेतावनी दिएका खबरमा उल्लेख छ । विश्वकै सबैभन्दा महत्त्वपूर्ण ऊर्जा मार्ग प्रभावित भएसँगै तेलको भाउ बढ्दो क्रममा छ ।
विश्वभर खपत हुने तेल र ग्यास ओसारपसार हुने जलमार्ग लगभग ठप्प जस्तै भएको छ । स्ट्रेट अफ होर्मुज एकातिर ओमान र युएई तथा अर्कोतिर इरानकोबीचमा अवस्थित छ ।
यसैबीच साउदी अरबको रक्षा मन्त्रालयले रियादमा रहेको अमेरिकी दूतावासमा दुई ड्रोनले आक्रमण गरेको पुष्टि गरेको छ । दूतावासले सामाजिक सञ्जाल प्लेटफर्म एक्समा विज्ञप्तिमार्फत आक्रमणबाट भवनमा सामान्य क्षति भएको जनाएको छ ।
यसैबीच चार दिनदेखि इजरायल र अमेरिकाले गरिरहेको आक्रमणबाट इरानमा ज्यान गुमाउनेको सङ्ख्या ७ सय ४२ जना पुगेको छ । पछिल्लो २४ घण्टामा ९६ जना सहित ७ सय ४२ जनाको ज्यान गएको इरानी अधिकारीहरुलाई उद्धृत गर्दै बीबीसीले जनाएको छ ।
काठमाडौंमा मतदान गरेर सर्लाही पुगे गगन
ओलीले भने- फागुन २१ मैले दुई पटक पुनर्जीवन पाएको दिन हो
काठमाडौँमा १२ बजेसम्म २५ प्रतिशत मत खस्यो
ओली र बालेनलगायत उम्मेदवार रहेको झापामा शान्तिपूर्ण मतदान
अनुमति नलिई चढेपछि बालेनको हेलिकप्टर फर्काइएको खुलासा
दोलखामा हवाई फायरपछि रोकिएको मतदान पुनः सुरु गर्ने सर्वदलीय सहमति
ओखलढुंगाको मानेभञ्ज्याङ-७ का स्थानीयले गरे मतदान बहिष्कार
सर्लाहीको बलरा-४ स्थित एक केन्द्रमा विवाद, मतदान रोकियो
चितवनमा भोट खसालेपछि हेलिकप्टर चढेर रुकुमपूर्व पुगे प्रचण्ड
होर्मुजको घाँटी हुँदै जाने जहाजमा आक्रमण गर्ने इरानको चेतावनी
प्रतिक्रिया