मङ्गलबार, १२ साउन २०८३
मङ्गलबार, १२ साउन २०८३
०२ कात्तिक २०८२
काठमाडौँ - राष्ट्रिय स्वतन्त्र पार्टी (रास्वपा) ले चार नेतालाई सचिवालय सदस्यमा मनोनीत गर्दा तोसिमा कार्की परिनन् । केन्द्रीय समितिको भर्चुअल बैठकमा प्रस्तुत मापदण्डका अन्य व्यक्ति सचिवालय सदस्यमा मनोनीत हुँदा त्यही मापदण्डकी कार्कीलाई भने मनोनीत नगरिएको हो ।
२०७९ को प्रतिनिधिसभा निर्वाचनमा प्रत्यक्षतर्फ निर्वाचित हुनेलाई सचिवालयमा मनोनीत गर्ने मापदण्डभित्र उनी पर्थिन् । तर, पार्टी संस्थापनको मान्यता विपरीत धारणा राखेकै कारण सूचीमा नाम भएर पनि उनको नाम काटिएको रास्वपा स्रोतले जनायो ।
पार्टी चुनौतीपूर्ण अवस्थामा रहेको र यसको स्वीकार्यता कायम राख्न जेनजी आन्दोलनले उठाएका मान्यता तथा त्यस आन्दोलनसँग सम्बन्धित व्यक्तिलाई पार्टीमा आकर्षित गर्नुपर्ने धारणा उनले बैठकमा राखेकी थिइन् । उनको प्रस्तावअनुसार वर्तमान सरकारका ऊर्जा तथा जलस्रोत एवं भौतिक पूर्वाधार तथा यातायात मन्त्री कुलमान घिसिङसहितका व्यक्तिलाई पार्टीमा आउने वातावरण बनाउनुपर्ने विषयलाई पार्टी संस्थापनले अस्वीकार गर्दा कार्की सचिवालय सदस्य हुनबाट वञ्चित भएकी हुन् ।
यसअघि कार्कीको जस्तै धारणा राख्दै आएकी सुमना श्रेष्ठले पार्टी छोडेर काठमाडौं महानगरका मेयर बालेन साह समूहसँग निकट भएकी छन् । पार्टीका कतिपय नेता श्रेष्ठ जसरी नै वहिर्गमित हुने तयारीमा रहेको र कार्कीले पनि त्यही तयारी गरेको रास्वपाका एक नेताले बताए । यद्यपि कार्कीले उक्तको प्रतिवाद गर्दै आएकी छन् । कुलमान नेतृत्वमा प्रस्तावित उज्यालो नेपाल पार्टीमा रास्वपाका थुप्रै नेता, कार्यकर्ता आबद्ध हुने अनुमान उक्त पार्टीको संस्थापनले गरेको छ ।
पार्टी रवि लामिछानेकै नेतृत्वमा र उनको अनुपस्थितिमा डीपी अर्यालकै कार्यवाहक नेतृत्वमा अगाडि बढाउनुपर्ने संस्थापनको मान्यता विपरीत कार्कीले मूल नेतृत्वका रूपमा स्थापित गर्ने गरी घिसिङको प्रस्ताव ल्याएको बैठकमा सहभागी एक नेताले बताए ।
केन्द्रीय समितिको भर्चुअल बैठकले सोबिता गौतम, गणेश पराजुली, शिशिर खनाल र हरि ढकाललाई सचिवालय सदस्य मनोनीत गरेको थियो ।
चीन र दक्षिण एसियाली क्षेत्रको ज्ञान विमर्श, विकासको आधार ज्ञान र खोज भएको निश्र्कष
बाल मन्दिर प्रकरणमा ३ जना पक्राउ
सय दिन बितेसँगै थप आक्रामक बन्दै बालेन, यी ५ मन्त्री र सचिवालय सदस्यहरु नै फेर्ने
मेलम्ची आयोजनाको मुहानमा बाढी, पानी आपूर्ति बन्द
अन्तर प्रदेश सार्वजनिक सवारीसाधनको भाडा दुई प्रतिशतले घट्यो
विमानस्थलका चार हजार पूर्वकर्मचारीसँग प्रतिबन्धित क्षेत्रको प्रवेश पास
इन्धनको मूल्य घट्दा पेट्रोलपम्पहरुमा लाग्यो सटर
गर्धन कालो हुनुको कारण के हो ?
बालेनसहित को को हुँदैछन् रास्वपा पदाधिकारीमा मनोनित
कांग्रेस संस्थापन इतरपक्षको सम्पर्क कार्यालय सञ्चालनमा
प्रतिक्रिया