गुण्डा नाइके सिध्याउन प्रहरीले निकाल्यो लिस्ट, हतकडीले नसुध्रिए गोली ठोक्ने !

डीएनए खबर

०५ फागुन २०८१

काठमाडौं- केहि वर्ष यता शान्त रहेको काठमाडौं उपत्यकामा फेरि गुन्डाराज फर्किएको छ । प्रहरी इन्काउन्टरपछि लुकि भागि हिडेका गुन्डा नाइके र तिनका पिउसाहरु फेरि राजनीतिक आडमा सक्रिए भएका छन् ।

गत माघ २४ गते एमाले निकट गुन्डाहरुले सर्वसाधरण होइन प्रहरीमाथि नै स्तरको हर्कत गरे । लखेटी लखेटी मरणसन्न हुनेगरी कुटपिट गरे । सडकमै हो हल्ला गर्दै हिँडेका उनीहरुलाई किन यस्तो गरेको भनेर सोध्दा सिधै प्रहरी टोलीमाथि नै यो समूह जाइ लागेको थियो । 

ठमेलमै एक वर्ष अघि सानुभाई भनिने युवराज गुरुङले क्लव भित्रै छिेरेर त्यसका सञ्चालकमाथि आक्रमण गरेका थिए । ठमेलका क्लवहरुबाट हप्ता असुल्दै आएका उनले पैसा दिन आनाकानी गरेकै कारण यसरी आक्रमण गरेका थिए ।

यीनको आतंक यतिमै रोकिदैन् । गत वर्षको माघमा फेरि ठमेलमा यीनले अर्को वितण्डा मच्चाउछन् । ठमेलको छाया सेन्टरको पार्किङमा सानुभाइको समूहको आक्रमणबाट एक जना गम्भीर घाइते हुन्छन् । सानुभाई भनिने युवराज गुरुङ यसअघि पनि थुप्रै आपराधिक घटनामा जोडिएका पात्र हुन् । उनी प्रहरीको इन्काउन्टरमा मारिएका गुन्डा नाइके कुमार घैँटेका प्रमुख सहयोगीका रूपमा चिनिएका व्यक्ति हुन् । 

लामिम्पाटको यो घटना पनि हेर्नुहोस् । गत कार्तिक ११ गते दिउँसो लाजिम्पाटस्थित इनोभा अस्पतालको पार्किङमा व्यवसायीमाथि यसरी रड प्रहार भएको थियो । नुवाकोटको ककनी गाउँपालिका–६ का ३५ वर्षीय घरजग्गा व्यवसायी विक्रम लामामाथि यसरी आक्रमण गर्ने ब्यक्तिहरु दिपक मनाङेका स्वकीय सचिव टिका भण्डारी र विक्रमकै भाउजु लक्ष्मी राईले भाडामा खटाएका गुण्डाहरु भएको खुलेको छ ।

दिन दाहाडै यसरी आक्रमण गरेर आफूूहरु फेरि सक्रिय भएको संकेत गरेका गुण्डाहरुले सामाजिक सञ्जालमै हतियार प्रदर्शन गरेर आतंक सृजना गर्न खोजेका छन् । केक काट्ने बहानामा रवाफ देखाउने र यसरी हतियार प्रदर्शन गर्ने ७ जनालाई प्रहरीले खोरमा जाकेको छ । पक्राउ मध्येका सातै जनाको लगाइखुवाई र हाउभाउ सामान्य सर्वसाधरणभन्दा ‘एलिट’ देखिन्छ । आतंक सिर्जना गरेर तरबार र खुकुरी नचाउँदै असभ्य शैलीमा केक काटेको भिडियो फेसबुक र टिकटकमा राखेपछि उनीहरुलाई प्रहरीले पक्राउ गरेको थियो । 

हप्ता असुली गर्ने, डान्सबार भित्रै पसेर मान्छे कुट्ने । पार्कदेखि पार्किङसम्म मरणासन्न हुने गरी आक्रमण गर्ने । तरवारले केक काटेर हतियार प्रदर्शन गर्ने । यस्ता अनेकन हर्कत गरेर गुण्डा नाइके र तिनका शिष्यहरुले फेरि आतंक सृजना गरिरहेका छन् । गुण्डाहरु जसरी सल्बलाएका छन् प्रहरी पनि उसैगरी आक्रमक बन्ने तयारीमा जुटेको छ । समाजलाई तर्साउने र सञ्जालमा तमासा देखाउने गुण्डा नाइकेहरुलाई घर घरबाटै थुतेर बुट बजार्ने तयारी गरेको छ । एक एक गुण्डाहरुको प्रोफाइल तयार गरेको प्रहरीले यीनको हातमा हत्कडी मात्रै होइन परि आए इन्काउन्टर गर्नेसम्मको रणनीति बनाएको छ । 

कुनै समय काठमाडौं उपत्यमा गुन्डा नाइकेहरुको आतंक यसरी मौलाएको थियो यीनको इच्छा विपरित कुनै व्यापारीले केहि कामै गर्न सक्दैनन थिए । ढुंगा गिट्टी, खानी उत्खनन्, पार्किङदेखि पार्कसम्मको ठेक्का पट्टामा यीनकै राज चल्थ्यो । हप्ता असुलीदेखि मान्छे उठाउनेसम्मको धन्दा यीनीहरुले सहजै चलाउँदै आएका थिए ।  यीनको कृयाकलाप प्रहरीले देखे पनि नदेखे झै गर्नु पथ्र्यो । किनकी अधिकांश गुन्डाहरुलाई राजनीतिक दलहरुको संरक्षण थियो । दिपक मनाङे हुन् की चक्रे मिलन, दिपक लामा हुन की राधे भण्डारी, दिनेश अधिकारी चरी हुन की कुमार घैटे । यी सबैलाई राजनीतिक दलको संरक्षण थियो । 

तर, राजनीतिक जालो तोडेर प्रहरीले २ जना गुन्डा नाइकेलाई इन्काउन्टरमा मारिदियो ।  २०७१ साउनमा चरी र २०७३ भदौमा कुमार घैटे को इन्काउन्टरमा मृत्यु भयो । चरीको इन्काउन्टरमा एमालेले संसद्मा हंगामा मच्यायो, घैटेको इन्काउन्टर हुँदा कांग्रेसले सडक र सदनमै विरोध प्रदर्शन गर्यो । त्यसका बाबुदुज पनि नहच्किएको प्रहरीले २०७४ फागुनमा अर्का गुन्डा नाइके मनोज बुढामगरलाई पनि ईन्काउन्टरमै मारिदियो ।

यसपछि काठमाडौंमा संगठित गुण्डागर्दी गर्ने समूह तितरवितर मात्रै भएनन, उनीहरूले आफ्नो कार्यशैलीलाई नै परिवर्तन गरे । झण्डै एक वर्ष गुण्डाहरूको भागाभाग नै भयो । प्रहरीको निर्मम कारबाहीपछि आपराधिक पृष्ठभूमिका व्यक्तिहरूले वैकल्पिक पेशा रोज्न थाले ।

दिपङ मनाङे राजनीतिमा आए सांसद् हुँदै मन्त्रीसम्म बने र अन्ततः २० वर्ष अघिको गुण्डागर्दीको हर्कतले अहिले जेल चलान भएका छन् । काभ्रेली गुण्डा नाइके गणेश लामा अहिले कांग्रेसको राजनीतिमा छन् । जितेन्द्रमान तामाङ उर्फ दावा लामा काभ्रेको भुम्लु गाउँपालिकाको उपाध्यक्षमा निर्वाचित भए । राधे भण्डारी धादिङमै ठेक्कापट्टामा छन् । बाघे आफ्नै ठेक्कापट्टा र प्लटिङ व्यवसायमा छन् । राजु गोर्खाली बालुवा खानीमा ठेक्कापट्टा गर्छन् ।

‘पुराना र नाम चलेका गुण्डाहरू अहिले आ–आफ्नै पेशामा आवद्ध छन्, उनीहरूले जबरजस्ती चन्दा असुली गरेको वा फिरौती मागेको सूचना प्रहरीमा आएको छैन । तर, फेरि गुन्डागर्दी मौलाएसँगै नयाँसँगै यी पुराना गुन्डा नाइकेमाथि पनि काठमाडौं उपत्यका अपराध अनुसन्धान कार्यालयले निगरानी बढाएको छ । अपराध अनुसन्धान कार्यालयको गुन्डागर्दी हेर्ने ४ नम्बर पिलरले गुन्डाहरूको प्रोफाइलिङ तयार पारेको छ । प्रहरी स्रोतका अनुसार अपराध अनुसन्धान कार्यालयले गुन्डागर्दीमा संलग्नको आरोपमा ४५ जनाको सूची तयार पारेको छ । उनीहरूको गतिविधि निगरानी र आवश्यक परेको अवस्थामा पक्राउ गरेर कारबाही गर्नेसम्मको निर्देशन प्रहरीलाई दिइएको छ ।

प्रहरी स्रोतबाट प्राप्त जानकारी अनुसार काठमाडौँ उपत्यकामा विभिन्न श्रेणीका १९१ जना गुण्डाहरू सक्रिय छन् । क्रियाशील गुण्डाहरूले कुनै क्षेत्रलाई आफ्नो आधारभूमि बनाएर हप्ता असुली, विकासका टेन्डर कब्जा गर्ने तथा व्यवसायीलाई धम्क्याउने जस्ता कार्य गर्दै आएका छन् । साना हतियारबाट सु–सज्जित भएका गुण्डाहरू विभिन्न दलका नेता र कतिपय सुरक्षा निकायकै अधिकारीको संरक्षणमा आपराधिक गतिविधिमा संलग्न छन् । 

प्राप्त सूचीअनुसार उपत्यकामा क्रियाशील सबैभन्दा धेरै गुण्डा काङ्ग्रेस निकट छन् । काङ्ग्रेसछि एमालेको आडमा गुण्डागर्दी गर्नेहरू दोस्रो स्थानमा छन् भने माओवादी केन्द्र, राप्रपा र नेमकिपाको आडमा गुण्डागर्दी गर्नेहरू पनी उल्लेख्य सङ्ख्यामा रहेका छन् । 

महानगरीय प्रहरी परिसर काठमाडौँ स्रोतका अनुसार काठमाडौँ जिल्लामा सक्रिय १३२ गुण्डामध्ये ‘क’ वर्गका १५ जना, ‘ख’ वर्गका ३२ जना र ‘ग’ वर्गका ४७ जना रहेका छन् । १५ गुण्डाको भने श्रेणी नखुलेको बताइएको छ । ललितपुरमा ३३ जना गुण्डा सक्रिय छन् भने ‘क’ वर्गका एकजना मात्रै छन् । भक्तपुरमा क्रियाशील २४ जना गुण्डामध्ये कसैको पनि श्रेणी खुलेको छैन । 

टोले गुण्डाबाहेक अधिकांश गुण्डाहरु राजनीतिक दलहरुको संरक्षणमा छन् । यीनकै शक्तिको आडमा एक दशक अघिजस्तै गरी फेरि समाजमा आतंक फैलाउने र आफ्नो रवाफ र प्रभाव विस्तार गर्ने प्रयत्न गरिरहेका छन् । यीनका पछिल्ला हर्कतहरु हेर्दा यस्तो लाग्छ फेरि यहाँ एक दुई इन्काउन्टरको जरुरी छ ।