बुधबार, ०३ असार २०८३
बुधबार, ०३ असार २०८३
३१ जेठ २०८३
काठमाडौँ - नेकपा एमालेका अध्यक्ष केपी शर्मा ओलीले पार्टीमा विधि र पद्धति भत्किनुमा आफ्नो मात्र दोष नरहेको बताएका छन् ।
चुनावी समीक्षा र पुनर्गठन कार्यदलको बागमती प्रदेश भेला लगत्तै शनिबार प्रदेश र केही केन्द्रीय नेताहरूसँग आफ्नै निवास गुण्डुमा कुराकानी गर्दै अध्यक्ष ओलीले पार्टीमा आएको संकटको समाधान सामूहिक रूपमै गर्नुपर्ने भन्दै केही नेताहरूले आफूलाई मात्र दोष दिएर उम्कने प्रयास गरिरहेकोमा असन्तुष्टि जनाएका हुन् ।
बागमती भेलामा केही नेताहरूले ओलीको बिदाइको माग गरेका थिए । भेलामा त्यस्तो आवाज उठाउनेहरूलाई उपाध्यक्ष विष्णु पौडेल र महासचिव शङ्कर पोखरेलको साथ रहेकोतर्फ सङ्केत गर्दै ओलीले पुनर्गठनका नाममा पार्टीलाई तलमाथि पार्न नहुने बताएका थिए ।
‘पुनर्गठनका नाममा पार्टीलाई तलमाथि पार्ने काम गर्नुहुँदैन’, अध्यक्ष ओलीले गुण्डुमा भनेको भनाइ उद्धृत गर्दै एक नेताले भने( ‘लोभी पापी देखिएका छन् ।’ प्रदेशका नेताहरूसँग करिब एक डेढ घण्टा कुराकानी गरेका ओलीले उपाध्यक्ष पौडेल र महासचिव पोखरेलले पार्टी कसरी चल्छ र चलाउनुपर्छ भन्ने बुझिनसकेको समेत बताएका थिए ।
‘ बुझ्नु भा छैन, बिस्तारै बुझ्नुहुन्छ’, ओलीको भनाइ उद्धृत गर्दै अर्का नेताले भने, ‘अर्को अध्यक्ष बनाए पनि कति दिन टिक्न दिन्छन् र टिक्छन् यो कुरा उहाँहरूले बुझ्नु नै भएको छैन ।’
ओलीले पार्टीको पुनर्संरचना भनेको कोही मन्छेलाई अदलबदल गर्दैमा नहुनेमा जोड दिएका थिए । ‘कोही मान्छे अदलबदल गरेर मात्र पार्टी पुनर्संरचना हुँदैन’, ओलीले भनेका छन्, ‘हामीले हाम्रो सिङ्गो कार्यशैली, विधि र पद्धतिलाई बिचमा लुज गरेका हौँला अब त्यसलाई ठिकठाक गर्नुपर्छ र एक ढिक्का भएर जानुपर्छ ।’
विधि पद्धतिलाई जोड दिएका ओलीले कमजोरी आफ्ना कारणले मात्र नभएको दोहोर्याउँदै कमजोरीको जिम्मेवारी कमिटीका सबै नेताहरूले लिनुपर्ने धारणा राखेका छन् ।
‘कमजोरीको जिम्मेवारी एक व्यक्ति भन्दा पनि सबै कमिटीका सबैले लिनुपर्छ’, ओलीको भनाइ उद्धृत गर्दै स्रोतले भन्यो– ‘विधि, पद्धति भत्केको हो यसको जिम्मेवार विष्णु, शङ्कर, पीएस पनि हुन् ।’ ओलीले ती नेताहरू यसअघि किन चुप लागेर बसेका हुन् भन्दै प्रश्न समेत गरेका थिए ।
‘एउटा वडाध्यक्षको टिकट दिन पनि केपी ओलीले गरेको कुरा ठिक हो भनेर हिजो देवत्वकरण गर्ने काम सबैले गरे’, ओलीको भनाइ थियो । उनले सामूहिक नेतृत्वको सवालमा नेताहरूले आफूले गरेका कुरामा पनि माथि नै देखाउने र ‘मैले ठिक गरेँ’ भन्न नसकेर माथि देखाउने प्रवृत्ति बढेको बताएका छन् ।
पार्टीभित्र आफूविरुद्ध मोर्चाबन्दी कसिँदै गएको गुण्डुमा पुगेका नेताहरूसँग पनि ओलीले प्रस्ट बताए । ‘मोर्चाबन्दी भएको छ । यो कुरा हामीलाई थाहा छ । तर मैले कुनै गल्ती गरेको छैन’, ओलीले भने, ‘तर मलाई हटाएर के हुन्छ । कुन प्रक्रियाबाट हटाइन्छ । त्यसको पनि त प्रक्रिया होला’ ओलीको भनाइ थियो । उनले आगामी केन्द्रीय कमिटी बैठकमा विस्तृत बताउने भन्दै ‘एमालेमा लोभी र पापी मात्र छैनन्, विवेकशील नेता कार्यकर्ता पनि छन् । उनीहरुले सही निर्णय गर्छन् ।’
बागमती भेलामा ओली पक्षकै भनेर चिनिएका नेताहरूले समेत एमाले यही अवस्थामा चल्न नसक्ने बताएका थिए । त्यस्तै पार्टी पुनर्गठन पक्षधरहरूले अलग्गै योजना वितरण गरेका थिए । बैठकमा नेताहरू आनन्द पोखरेल, गोकुल बास्कोटा, कृष्णभक्त पोखरेल, क्रान्ति बुर्लाकोटी, उर्मिला सुनुवार लगायतले ओलीबाट पार्टी चल्न नसक्ने भन्दै पुनर्संरचना र पुनर्गठन जरुरी रहेको धारणा राखेका थिए ।
त्रिविका एक हजार ६ सय प्राध्यापक र कर्मचारी दुई महिनादेखि आन्दाेलनमा
ई–पासपोर्ट घोटालामा आरजु र जयवीर पनि संलग्न सेटिङमै अर्ब घोटाला, को को तानिदैछन् अनुसन्धानमा ?
रास्वपाको प्रदेश सभापतिमा तीन सांसद पराजित
भूपेन्द्र भण्डारी : प्राधिकरणको पुर्व अध्यक्ष, स्मार्ट सेल लगाएत काण्डै काण्ड छानबिनबाट बाहिर किन ?
सर्वोच्चको आदेश- नागरिकको दैनिक जीवनमा असर पर्ने संरचना हटाउनू
राष्ट्रिय सभाका ६ सदस्यले गरेनन् कांग्रेस क्रियाशील सदस्यता अद्यावधिक
प्रधानमन्त्री बालेन भन्दा एक कदम अगाडि मन्त्री स्वर्णिम र सुनिल !
आशिका तामाङले रास्वपा छाड्न लागेकी हुन् ?
अन्य प्रदेशले ल्याए बजेट, सुदूरपश्चिमका कर्मचारी बल्ल लेख्दैछन्
ओलीकै अहंकारले एमाले फुट्ने निश्चत, अध्यक्ष पद जोगाउन गिड्गिडाउँदै ओली
प्रतिक्रिया