शनिबार, ३० जेठ २०८३
शनिबार, ३० जेठ २०८३
०१ भदौ २०८२
काठमाण्डौ – एशिया कप टी–२० क्रिकेटका लागि पाकिस्तानको टोली घोषणा भएको छ । संयुक्त अरब इमिरेट्स (यूएई) मा आउँदो महिना हुने प्रतियोगिताका लागि पाकिस्तानले आज १७ सदस्यीय टोली घोषणा गरेको हो ।
पाकिस्तानको टोलीमा स्टार खेलाडीहरू बाबर आजम र मोहम्मद रिजवान परेका छैनन् । बाबरले पछिल्लो पटक सन् २०२४ डिसेम्बर मा टी–२० अन्तर्राष्ट्रिय क्रिकेट खेलेका थिए । यस्तै बाबरले वेस्ट इन्डिजसँगको तीन खेलको एकदिवसीय अन्तर्राष्ट्रिय क्रिकेट शृङ्खलामा ४७, शून्य र नौ रनमा आउट भएका थिए ।
बाबरजस्तै रिजवान पनि बङ्गलादेशसँगको घरेलु र त्यसपछिको बाहिरी शृङ्खला र त्यसपछि वेस्ट इन्डिजमा भएको टी–२० शृङ्खलाका लागि पाकिस्तानको पछिल्लो टी–२० टोलीको हिस्सा भएका छैनन् । उनले वेस्ट इन्डिजसँगको एकदिवसीय शृङ्खलाको पहिलो खेलमा ५३ रन बनाएका थिए, त्यसपछि १६ र शून्य रनमा आउट भएका थिए ।
वेस्ट इन्डिजसँगको शृङ्खलामा ह्यामस्ट्रिङ चोटबाट पीडित भएका फखर जमान निको भएर पाकिस्तानको टी–२० टोलीमा फर्किएका छन् । टोलीको कप्तानमा सलमान आघा छन् । यो टोलीले एशिया कपअघि यूएई र अफगानिस्तानसँग त्रिदेशीय शृङ्खला पनि खेल्नेछ ।
यस्तो छ पाकिस्तानको टोली–
सलमान आघा (कप्तान), अबरार अहमद, फहीम अशरफ, फखर जमान, हरिस रौफ, हसन अली, हसन नवाज, हुसेन तलत, खुशदिल शाह, मोहम्मद हरिस, मोहम्मद नवाज, मोहम्मद वसिम, साहिबजादा फरहान, सइम अयुब, सलमान मिर्जा, शाहीन शाह अफ्रिदी, सुफयान मोकिम ।
ओली, लेखक र गुरुङलाई पुनः पक्राउ गर्दै सरकार
भारतीय सुरक्षाकर्मीलाई लखेटे सुस्ताबासीले, हतियार सहित आएर दिन थाले धाकधम्की
दराजमा थन्किएका फाइल अब सुदनको टेबुलमा, गिरिबन्धुसहित यी १५ महाकाण्ड खोल्ने
अर्थमन्त्री वाग्लेमाथि संसदीय छानबिन समिति गठन गर्न नेकपाको माग
सर्वोच्च अदालतको आदेश : प्रदर्शनीमार्ग वरपर नाराजुलुस र प्रदर्शन नगर्नू
फिफा विश्वकप २०२६ मा सहभागी टोलीमा विदेशी प्रशिक्षकको वर्चस्व
विद्यार्थीका मोबाइल नष्ट नगर्न सर्वोच्चको आदेश, सिरहा घटनाबारे लिखित जवाफ माग
दुई रुपैयाँ मात्रै बेइमानी गरेको प्रमाण दिनुस् सार्वजनिक जीवन नै त्यागिदिन्छु :अर्थमन्त्री स्वर्णिम वाग्ले
पोखराबाट दुबईका लागि नियमित अन्तर्राष्ट्रिय उडानको टिकट बुकिङ खुला
रास्वपामा १३६ सदस्यीय केन्द्रीय समिति र १६ सदस्यीय पदाधिकारी प्रस्ताव
प्रतिक्रिया