सोमबार, ०७ वैशाख २०८३
सोमबार, ०७ वैशाख २०८३
०८ चैत २०८२
काठमाडौं - इजरायलमा पछिल्ला दिनहरूमा इरानबाट भइरहेको क्षेप्यास्त्र तथा ब्यालेस्टिक मिसाइल आक्रमणका कारण अवस्था गम्भीर बन्दै गएको त्यहाँ रहेका नेपालीहरूले बताएका छन् ।
विशेषगरी हिजोदेखि आक्रमणको तीव्रता बढ्दै गएको र सर्वसाधारणमा त्रासको अवस्था देखिएको छ । त्यहाँ रहेका नेपालीहरू हालसम्मको अवस्थामा सुरक्षित रहेपनि बढ्दो आक्रमणबाट त्रसित देखिएका छन् । उनीहरूमा सुरक्षा चिन्ता बढ्दै गएको हो ।
एनआरएनए आईसीसी सदस्य अलि महम्मद मियाँका अनुसार विगतको तुलनामा हिजोबाट बढी मात्रामा क्षेप्यास्त्र आक्रमण भइरहेका छन् ।
दक्षिणी शहर अराद, उत्तरी क्षेत्र दिमोना तथा राजधानी क्षेत्र तेल अविवमा लगातार मिसाइल आक्रमण भएका छन् । इजरायलको मिसाइल प्रतिरक्षा प्रणाली पहिलेको तुलनामा कमजोर देखिएको छ ।
आज बिहान मात्रै तेल अविव क्षेत्रमा पटक–पटक आक्रमण भएको थियो । विशेषगरी रामत गान र पेटाह टिक्वा लगायतका स्थानमा मिसाइल खसेका छन्, जसबाट कम्तीमा केही व्यक्ति घाइते भएका छन् ।
लगातार क्षेप्यास्त्र आइरहेपनि हालसम्म नेपालीहरू प्रत्यक्ष रूपमा प्रभावित भएको जानकारी नआएको मिँयाको भनाइ छ । तर अवस्था दिनप्रतिदिन जोखिमपूर्ण बन्दै गएको बताए ।
इजरायलमा अधिकांश घर तथा कार्यस्थलमा बंकर ९सेल्टर० व्यवस्था भए पनि सबै नेपालीले समान रूपमा त्यसको उपयोग गर्न नपाएको गुनासो छ । विशेषगरी वृद्ध तथा अशक्त व्यक्तिको हेरचाह गर्ने काममा रहेका नेपालीहरूलाई साइरन बजेपछि तत्काल सेल्टरमा जान कठिन हुने गरेको बताइएको छ । रोजगारदातालाई छाडेर आफैं सुरक्षित हुन जान पनि सम्भव हुँदैन । त्यस्तो अवस्थामा नेपाली नेपाली केयरगिभरहरू जोखिममा पर्ने देखिन्छ ।
इजरायलमा साइरन बज्नु अघि करिब १० मिनेटअघि चेतावनी सन्देश आउने र त्यसपछि एक मिनेटभित्र नजिकको बंकरमा पुग्नुपर्ने व्यवस्था रहेको छ । तर व्यवहारमा सबैका लागि यो सहज नहुने उनीहरूको अनुभव छ ।
लगातार बढ्दो आक्रमणका कारण सर्वसाधारण तथा नेपालीहरूमा त्रास फैलिएको छ र यदि युद्ध लामो समयसम्म लम्बियो भने स्थिति झन् जटिल बन्नेछ ।
गैर आवासीय नेपाली संघ ९एनआरएनए० इजरायलले त्यस्तो समस्यामा परेका नेपालीहरूलाई सम्पर्कमा आउन अनुरोध गरेको छ । इजरायल–इरान युद्ध अत्यन्तै विषम अवस्थामा पुगेको भन्दै इजरायलमा रहेका नेपालीहरूलाई उच्च सुरक्षा सतर्कता अपनाउन अनुरोध गरेको हो । कुनै समस्यामा परेको खण्डमा एनआरएनलाई जानकारी गराउन अनुरोध गरिएको छ ।
गृहमन्त्री गुरुङमाथि लागेका आरोपको छानबिन गर्न कांग्रेसको माग
कांग्रेस संसदीय दलको नेता छान्न मंगलबार निर्वाचन
विश्वविद्यालयबाट विद्यार्थी संगठन हटाउन सुरक्षा युनिट, भवन र जमिन नदिने
विश्वविद्यालयमा नतिजा प्रकाशित भएको १५ दिनभित्र ट्रान्सक्रिप्ट पाइने
वैशाख १५ बाट जिल्ला अधिवेशन सुरु गर्ने रास्वपाको निर्णय
बालेनको म्याराथन शैलीले सिंहदरबार तरंगित, राजनीतितक गफ र रिवन काट्न निषेध, कांग्रेस एमालेका नेता नै हुँदैछन् मोहित
बालेन सरकार रमिते बन्दा किन्नै नसक्नेगरी बढ्यो महंगी, सांसदलाई केराको चिन्ता, नागरिक भोकै बस्नुपर्ने खतरा
भिसा प्रतिबन्ध लगाउने अमेरिकाको घोषणा
ट्रेड युनियन अधिकार नखोस्न कर्मचारी संगठनहरूको आग्रह, सरकारसँग राखे यस्ता माग
६ तस्वीरमा खुलामञ्चको सौन्दर्य
प्रतिक्रिया