मङ्गलबार, ०८ वैशाख २०८३
मङ्गलबार, ०८ वैशाख २०८३
१८ पुस २०८२
काठमाडौं- सीमा सुरक्षामा खटिएका प्रहरीले ५ सय रुपैयाँ नदिएको झोकमा गोली नै हानेर कोही कसैको हत्या गर्ला ? तर, सुनसरीको कोशी गाउँपालिका स्थित लौकहीमा यस्तै भएको छ ।
५ सय रुपैयाँ नदिएको झोकमा सफारी चालकलाई गोली हानेर मारेको अभियोगमा सशस्त्र प्रहरीका हवल्दार पक्राउ परेका छन् । सफारी चालकको गोली हानी हत्या भएपछि बिहीबार दिनभर सुनसरी तनावग्रस्त बन्यो । स्थानीयले सडकमा टायर बालेर प्रदर्शन गर्नुका साथै पूर्व–पश्चिम राजमार्ग नै ठप्प पारे । भीड नियन्त्रणमा लिन प्रहरीले अश्रुग्याससमेत हानेको छ । परिस्थितिलाई थप उग्र बन्दै गएपछि गोली चलाउने सशस्त्र प्रहरीका हवल्दारलाई पक्राउ गरिएको सशस्त्र प्रहरीले जनाएको छ । तर, उनको नाम भने खुलाइएको छैन् ।
सीमा सुरक्षामा खटिएइको सशस्त्र प्रहरीको टोलीले गएराती सवा १ बजेतिर भारतबाट खाद्यन्न सामाग्री लिएर फर्किदै गरेका ४५ वर्षीय विजय साहमाथि सुनसरीको कोशी गाउँपालिकामा गोली प्रहार गरेको थियो । गोली लागेका सफारी चालक साहको घटनास्थलमै मृत्यु भएको थियो । तराइका सीमा कर छलिका सामान जसरी आउँछन् सीमा सुरक्षामा खटिने सुरक्षाकर्मीले असुली धन्दा उसैगरी चलाउने गरेको आरोप लाग्दै आएको छ। सफारी चालक साहमाथि पनि ५ सय माग्दा उनले नदिएपछि गस्तीमा रहेको सशस्त्र प्रहरीले गोली हानेको बताइएको छ ।
सुनसरीको कोशी गाउँपालिका–१, पुरी टोलका विजय साह सफारी चलाएरै परिवारको गुजारा चलाउँदै आएका थिए । साह बस्दै आएको पुरी टोल भारतीय छोटी भन्सार लौकहीसँगै छ । यहाँबाट भारतको बेलाह बजार नजिकै पर्छ । बुधबार राति ११ बजेतिर खाना खाएर साहले सफारी निकाले । बेलाह बजार पुगे र चिनीलगायतका सामान लिएर फर्किए । सामान पु¥याएपछि उनी फेरि बेलाह गए । श्रीमती गीताका अनुसार दोस्रो पटक सामान लिएर आउँदा ड्युटीमा रहेका सशस्त्र प्रहरीले उनलाई रोके ।
प्रहरीले पैसा माग्दै सामान रोकेपछि १२ बजेतिर पतिले फोन गरेको गीता बताउँछिन् । घट्नास्थल पुगेका पत्रकारहरूसँग गीताले भनिन्, ‘उहाँसँग फोनमा बोल्दा प्रहरीले पैसा मागेर विवाद गरिरहेको सुनेकी थिएँ । ५ सय मागिरहेको प्रष्ट सुनिन्थ्यो । गाडी साइड लगाउन भनिरहेका थिए । त्यही बेला ड्याङ्ग गोली चल्यो, त्यसपछि बोल्नुभएन ।’
घट्नास्थल मृतकको घरबाट करिब ३ सय मिटरको दूरीमा छ । पति नबोलेपछि गाउँलेसहित खोजी गर्न जाँदा साह भुइँमा ढलेका भेटिए । गोली लागेर ढलेका साहको आफूहरू पुग्नुअघि नै मृत्यु भइसकेको स्थानीयको दाबी छ । घटनापछि स्थानीय सुरक्षाकर्मीविरुद्ध प्रदर्शनमा उत्रिएका थिए भने बिहीबार दिनभर सुनसरीको कोशी गाउँपालिका तनावग्रस्त बनेको थियो । गोली हान्ने हबल्दार पक्राउ परेसँगै अहिले अबस्था केहि शान्त बनेको छ।
गृहमन्त्री पुगे रवि निवास,त्यसअघि छिरे अमरेशकुमार
बिचौलिया भट्टसँग गोल्छा समूहको पनि साठगाठ ,पक्राउ पर्न सक्छन् शेखर गोल्छा
बालेनलाई विश्व ट्रेड युनियन महासंघले भन्यो– ट्रेड युनियन खारेज नगर
गृहमन्त्री गुरुङमाथि लागेका आरोपको छानबिन गर्न कांग्रेसको माग
कांग्रेस संसदीय दलको नेता छान्न मंगलबार निर्वाचन
विश्वविद्यालयबाट विद्यार्थी संगठन हटाउन सुरक्षा युनिट, भवन र जमिन नदिने
विश्वविद्यालयमा नतिजा प्रकाशित भएको १५ दिनभित्र ट्रान्सक्रिप्ट पाइने
वैशाख १५ बाट जिल्ला अधिवेशन सुरु गर्ने रास्वपाको निर्णय
बालेनको म्याराथन शैलीले सिंहदरबार तरंगित, राजनीतितक गफ र रिवन काट्न निषेध, कांग्रेस एमालेका नेता नै हुँदैछन् मोहित
बालेन सरकार रमिते बन्दा किन्नै नसक्नेगरी बढ्यो महंगी, सांसदलाई केराको चिन्ता, नागरिक भोकै बस्नुपर्ने खतरा
प्रतिक्रिया