शुक्रबार, ०६ कात्तिक २०८३
शुक्रबार, ०६ कात्तिक २०८३
०४ कात्तिक २०८२
काठमाडौं- सत्ता र नेताको दैलै चाहार्दै डेडिकेटेड र ट्रंक लाइनको विद्युत महशुल नतिरी खुलेआम राज्यलाई चुनौति दिदै हिडिरहेका उद्योगीविरुद्ध कुलमान घिसिङ फेरि आक्रामक बनेका छन् । बक्यौता नतिर्ने उद्योगीको उद्योगलाई उज्यालोको पर्व तिहारमै अन्धकार बनाइदिएका छन् ।
लक्ष्मी पुजा भोलिपल्टै मंगलबार बिहान जगदम्बा स्टील, रिलायन्स स्पिनिङ मिल्स, शिवम् सिमेन्ट, घोराही सिमेन्ट, अर्घाखाँची सिमेन्ट इन्डस्ट्रीज र त्रिवेणी स्पिनिङ मिल्सको लाइन काटि दिएका छन् । जगदम्बा स्टीलको १ अर्ब ६० करोड, रिलायन्स स्पिनिङ मिल्स ७५ करोड ३७ लाख, शिवम् सिमेन्ट ७७ करोड ८८ लाख, घोराही सिमेन्ट ५० करोड ८५ लाख, अर्घाखाँची सिमेन्ट ४४ करोड ८४ लाख र त्रिवेणी स्पिनिङ मिल्स ३२ करोड १० लाख रुपैयाँ विद्युत महशुल नबुझाएको प्राधिकरणले जनाएको छ।
यो बक्यौता रकम २०७२ माघदेखि २०७५ वैशाखसम्म डेडिकेटेड तथा ट्रंक लाइन प्रयोग बापत तिर्नुपर्ने थप महशुल हो। यता प्राधिकरणका कार्यकारी निर्देशक मनोज सिलवालले तिहारको सार्वजनिक बिदामा पनि उद्योगहरूले बक्यौता रकम बुझाउन सक्ने व्यवस्था मिलाइएको बताए । उनका अनुसार किस्ताबन्दी सुविधा लिएर पहिलो किस्ता तिरेपछि जुनसुकै समयमा पनि काटिएको लाइन पुनःजोडिने व्यवस्था छ ।
तर, उद्योगीहरुले डेडिकेटेड’ तथा ‘ट्रंक लाइन’ विद्युत् महसुल तिर्न सामूहिक अस्वीकार गरेका छन् । पीडित तथा प्रताडित उद्योग समूहले विज्ञप्ति जारी गर्दै उद्योगीहरूले महसुल तिर्न अस्वीकार गर्ने निर्णय सार्वजनिक गरेका छन् । यो अडान कानुनी शासन र राष्ट्रिय अर्थतन्त्रको स्थिरताको पक्षमा लिइएको दाबी उद्योगीले गरेका छन् । उनीहरूले प्राधिकरणबाट आउने वैध शुल्क तिर्नबाट भने नपन्छिएको बताएका छन् ।
कुलमान घिसिङ विद्युत प्राधिकरणको कार्यकारी निर्देशक हुँदा उनले यो महशुल उठाउन निकै जोडबल गरेका थिए । तर, तत्कालिन प्रधानमन्त्री केपी ओली र तत्कालिन उर्जामन्त्री दिपक खड्काले यो रकम उठाउन मात्रै रोकेनन् उनलाई पदबाटै बर्खास्त गरेका थिए । जसको हिसाव कुलमानले उर्जामन्त्री भएपछि चुक्ता गर्न खोजिरहेका छन् ।
सरदर मितिभन्दा १२ दिन ढिलो गरी मनसुन नेपालबाट बाहिरियो
सातै प्रदेशका मुख्यमन्त्रीद्वारा विराटनगरबाट ‘कोशी घोषणा–२०८३’ जारी
प्रस्तावित राजदूतहरूको काण्डले प्रधानमन्त्री बालेन तनावमाः साउदीका सुनारको नाम अस्वीकृत ! मलेसियाका खरेलको सुनुवाइ होल्ड
देशका अधिकांश भूभागमा मौसम सफा, कुनै चेतावनी छैन
कलंकी खसीबजारमा यस वर्ष दसैँको चहलपहल कम
मलेसियाका प्रस्तावित राजदूत खरेलको संसदीय सुनुवाइ ‘होल्ड’
१५ औं महाधिवेशमा गगन थापाको एकछत्र राज, देउवा छोड्ने बित्तिकै केहिलाई लाभ, कसैलाई रेडकार्ड, यस्तो बन्यो गगन टिम
स्वास्थ्यमा गोकर्णेश्वरका मेयरको क्रान्तिकारी कदम, अब उपचार गर्न विरामीको घर–घरमा पुग्नेछन् डाक्टर
नेपाल-भारत नेवानीको उडानमा पावर बैंक बोक्न प्रतिबन्ध
दशैंका लागि देशभर ५० हजार बढी प्रहरी परिचालन, ड्रोन र कुकुरबाट पनि निगरानी
प्रतिक्रिया