शुक्रबार, ०६ कात्तिक २०८३
शुक्रबार, ०६ कात्तिक २०८३
१० चैत २०८२
काठमाडौं- फागुन २१ को चुनावमा लजास्पद हार बेहोरेका एमाले अध्यक्ष केपी शर्मा ओलीको पद पूर्व माओवादी नेता रामबहादुर थापा बादलले खोस्ने भएका छन् । ओली पराजित भएसँगै पार्टी संसदीय दलको नेतामा बादलले बाजी मार्ने सम्भावना बलियो बनेको छ । यद्यपी यो विषयमा एमालेले अन्तिम टुंगो लगाइसकेको छैन् ।
यसअघि संसदमा एमालेले प्रत्यक्षतर्फ निर्वाचित नेतालाई दलको नेता र प्रमुख सचेतक बनाउने गरेको थियो । तर, यसपालि यही परम्परालाई निरन्तरता दिन सहज छैन । प्रत्यक्षमा चुनाव जितेकाहरू पार्टीको वरियतामा धेरै तल रहेकाले परम्परा तोडिन सक्ने अवस्था देखिन्छ । प्रत्यक्ष जितेकामध्ये दार्चुलाबाट निर्वाचित गणेशसिंह ठगुन्ना पार्टी वरियतामा अगाडि हुन् । उनीपछि धनकुटाका राजेन्द्र राई छन् । तर संसदीय दलको नेतामा उनीहरूको चर्चा छैन ।
पार्टी स्रोतका अनुसार समानुपातिकतर्फ निर्वाचित वर्तमान उपाध्यक्ष रामबहादुर थापा बादल, निवर्तमान उपाध्यक्ष गुरुप्रसाद बराल, सचिव पद्मा अर्याल र लेखा आयोग अध्यक्ष डा। पुष्पराज कँडेलमध्ये एकलाई दलको नेता बनाउने मनस्थितिमा एमाले नेतृत्व देखिन्छ । त्यसमा पनि उपाध्यक्ष बादलको सम्भावना बलियो बनेको छ । किनकी ओलीले नै बादललाई बनाउनु पर्ने धारणा पार्टीको आन्तरिक बैठकमा राख्दै आएका छन् ।
उपाध्यक्ष विष्णु पौडेल र महासचिव शंखर पोखरेललगायतका केहि नेताहरु भने बादललाई संसदीय दलनको नेता बनाउन नहुने लविङमा छन् । बादल दलको नेता बन्दा एमाले नै पूर्व माओवादीको हातमा पुगेको सन्देश जाने भन्दै उनीहरुले ओलीलाई कन्भिन्स गराउने प्रयत्न गरिरहेका छन् । तर, ओली अहिलेसम्म बदलकै पक्षमा रहेको स्रोतको दाबी छ ।
बहाल रहेको केन्द्रीय कमिटीमा बादल दोस्रो पटक उपाध्यक्ष भएका हुन् । उनी संयुक्त जनमोर्चा, माओवादी, वैद्य समूह हुँदै अहिले एमालेमा छन् । कम्युनिष्ट आन्दोलनमै दलबदल हुँदा इतिहासले निरन्तरता पाउने प्रावधान अनुसार उनी एमाले पृष्ठभूमिका अन्य वरिष्ठ नेताको ज्येष्ठतामा बराल र कँडेलजत्तिकै हुन् ।
प्रत्यक्षबाट निर्वाचित सांसदलाई प्रमुख सचेतक, सचेतक र प्राप्त हुने संसदीय समितिको सभापतिसम्म बनाउने चर्चा एमाले नेतृत्वमा चलेको छ । यसमध्ये बझाङबाट निर्वाचित सांसद ऐनबहादुर महर र इलाम २ का सुहाङ नेम्बाङ चर्चामा छन् । पार्टी अध्यक्ष ओली भने यी दुबैका विषयमा त्यति सकारात्मक नभएको बुझिन्छ ।
ऐन टिकट वितरणमै उपेक्षित थिए । ओलीले पहिला अफिलाल उखेडालाई टिकट दिएका थिए । पछि ऐनले हात पारे । सुहाङ पनि पार्टीको महाधिवेशनमा सुरुमा ओलीको प्यानलभित्र अटाउन सकेका थिएनन् । तर, विरोधपछि उनलाई प्यानलमा समावेश गरिएको थियो । उनी पार्टीको युवापङ्ति र बाहिर पनि लोकप्रिय छन् । एमालेका नेताहरू सुहाङ वा ऐनमध्ये एक जनालाई प्रमुख सचेतक बनाउनुपर्ने पक्षमा देखिन्छन् । उनीहरू दुवै नहुँदा संसदीय अनुभवमा पुराना मानिने गणेशसिंह ठगुन्ना, राजेन्द्र राईको सम्भावना बलियो हुने एमाले नेताहरूको भनाइ छ ।
सरदर मितिभन्दा १२ दिन ढिलो गरी मनसुन नेपालबाट बाहिरियो
सातै प्रदेशका मुख्यमन्त्रीद्वारा विराटनगरबाट ‘कोशी घोषणा–२०८३’ जारी
प्रस्तावित राजदूतहरूको काण्डले प्रधानमन्त्री बालेन तनावमाः साउदीका सुनारको नाम अस्वीकृत ! मलेसियाका खरेलको सुनुवाइ होल्ड
देशका अधिकांश भूभागमा मौसम सफा, कुनै चेतावनी छैन
कलंकी खसीबजारमा यस वर्ष दसैँको चहलपहल कम
मलेसियाका प्रस्तावित राजदूत खरेलको संसदीय सुनुवाइ ‘होल्ड’
१५ औं महाधिवेशमा गगन थापाको एकछत्र राज, देउवा छोड्ने बित्तिकै केहिलाई लाभ, कसैलाई रेडकार्ड, यस्तो बन्यो गगन टिम
स्वास्थ्यमा गोकर्णेश्वरका मेयरको क्रान्तिकारी कदम, अब उपचार गर्न विरामीको घर–घरमा पुग्नेछन् डाक्टर
नेपाल-भारत नेवानीको उडानमा पावर बैंक बोक्न प्रतिबन्ध
दशैंका लागि देशभर ५० हजार बढी प्रहरी परिचालन, ड्रोन र कुकुरबाट पनि निगरानी
प्रतिक्रिया