सोमबार, ११ साउन २०८३
सोमबार, ११ साउन २०८३
०५ जेठ २०८३
काठमाडौं- लामो समयदेखि विवादमा रहेको पोखराको अमरसिंह चोकमा रहेका सटर र टहराहरूमा पोखरा महानगरपालिकाले डोजर चलाएको छ ।
पृथ्वी राजमार्गको छेउमा रहेका ५१ वटा टहरा मङ्गलवार बिहानै डोजर लगाएर हटाइएको हो ।
महानगरले अतिक्रमित संरचना हटाएपछि पोखरा महानगरपालिकाका मेयर धनराज आचार्यले उक्त क्षेत्रको स्थलगत निरीक्षण समेत गरेका छन् ।
अमरसिंह माध्यमिक विद्यालयको भोगाधिकारभित्र रहेको यो जग्गामा विगत २०३८ सालदेखि नै टहरा बनाएर व्यावसायिक रूपमा भाडामा लगाइएको पोखरा महानगरपालिका वडा नम्बर १० का वडाध्यक्ष सन्तोष बास्तोलाले बताएका छन् । यो संरचना हटाउन लामो समयदेखि प्रयास भइरहे पनि यस पटक व्यवसायी, विद्यालय र वडासहितको आपसी समन्वय र सहमतिबाटै टहरा हटाइएको उनले जानकारी दिए ।
अमरसिंह चोकका टहराहरूमा डोजर पठाउनु अघि पोखरा महानगरपालिकाले सोमवार सर्वपक्षीय बैठक राखेको थियो । सुरक्षा निकायका प्रमुख तथा प्रतिनिधिहरू सहितको उपस्थितिमा भएको उक्त बैठकका सहभागीहरूले राजमार्ग मिचेर बनाइएका यस्ता अनधिकृत संरचनाहरू तत्काल हटाउनुपर्ने सुझाव दिएका थिए । सर्वपक्षीय बैठकको सोही निष्कर्ष र सहमतिपछि महानगरले मङ्गलवार बिहानै सो क्षेत्रमा डोजर परिचालन गरेको हो ।
महानगरपालिकाले डोजर पठाउनु अगावै व्यवसायीहरूले आफ्ना सटर तथा पसलहरू खाली गरिसकेका थिए । कतिपय व्यवसायीले त टहरा भत्काएर त्यहाँ रहेका आफ्ना बहुमूल्य संरचना र निर्माण सामग्रीहरू समेत सुरक्षित रूपमा निकालेर लगिसकेका छन् ।
व्यवसायीहरू आफैँले सरसामान र संरचना हटाएर सहयोग गरेपछि अहिले महानगरको डोजरले सो ठाउँमा बाँकी रहेका भग्नावशेष हटाउने र जमिन सम्म्याउने काम मात्रै गरिरहेको छ ।
चीन र दक्षिण एसियाली क्षेत्रको ज्ञान विमर्श, विकासको आधार ज्ञान र खोज भएको निश्र्कष
बाल मन्दिर प्रकरणमा ३ जना पक्राउ
सय दिन बितेसँगै थप आक्रामक बन्दै बालेन, यी ५ मन्त्री र सचिवालय सदस्यहरु नै फेर्ने
मेलम्ची आयोजनाको मुहानमा बाढी, पानी आपूर्ति बन्द
अन्तर प्रदेश सार्वजनिक सवारीसाधनको भाडा दुई प्रतिशतले घट्यो
विमानस्थलका चार हजार पूर्वकर्मचारीसँग प्रतिबन्धित क्षेत्रको प्रवेश पास
इन्धनको मूल्य घट्दा पेट्रोलपम्पहरुमा लाग्यो सटर
गर्धन कालो हुनुको कारण के हो ?
बालेनसहित को को हुँदैछन् रास्वपा पदाधिकारीमा मनोनित
कांग्रेस संस्थापन इतरपक्षको सम्पर्क कार्यालय सञ्चालनमा
प्रतिक्रिया